أخبار عاجلة
: حنين للزمن الجميل
بقلم الشاعرة: عفاف مسلم
مهما طالت بنا السنين ... لازم ياخدنا الحنين
نفتكر واحنا لسه صغيرين
الحمار اللي كان ... عارف طريق سكته
والجاموسة على ... الساقية ماشية
والسكون حواليها خير ... والغيطان الخضرا كلها
تملى ليك الدنيا خير
وفاكر أبويا وهو في غيطه ... شايل الفأس والخير في إيده
يصحي مع الفجر ونوره ... والرضا دايماً يعيده
يمشي في الطين بخطوة ثابتة ... يعرق والزرع يضحك له
يقول "يا فتاح يا عليم" ... والكون كله يسبح له
يقعد على جسر الترعة ... يمسح جبينه بشاله
يشرب من قلة فخار ... ويحمد ربه على حاله
صرة الأكل البسيطة ... حتة الجبنة القديمة
ويا لقمة عيش مقدد ... والجميل شاي الركية
ياخد لقمة بسيطة مشبعة ... من يد أمي الهنية
ويدعي لنا بالستر والخير ... في الروحة والجاية
كان سِندنا في عز التعب ... وعمره ما قال "آه"
شايل همومنا بابتسامة ... وعايشين في ضل حماه
صوت جميل ياخدك بعيد ... لما معزة تمأي جنبك
ولا نهيق الحمير ... وكأنه عزف بسيمفونية
ومهما طالت السنين ... نفتكر طبلية أمي
كانت تسيع منا الكثير
وآه يا زمن لسه باقي ... منا إيه غير شوية ذكريات
نفتكر وقت العصاري ... والطيور تدخل تبيت
واللي بتعمر بابورها ... واللي بإيدها تمسح لمبتها
كانت البيوت نظيفة ... الحصيرة ولمبة جاز
ويا راديو حجار قديم ... نسمع القرآن عليه
فرن طين من الفجرية ... تقعد أمي بصحتها وعافية
تعمل اللقمة الهنية
وآه يا زمن منك وآه ... جريت بسرعة بدون تأني
ولقينا روحنا محصورين ... بين ذكريات جوة منا معششة
وبين تطور بنعيشه
غصب عننا
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
عرب
نماذج مشرفة
فن
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة