كتب يحي الداخلى ليه توفيق عكاشة رجع من تاني يثير الجدل، بس المرة دي بيتكلم في المستقبل القريب وبثقة غريبة

أخبار

الحكاية بدأت بتويتة غامضة من كام يوم كتبها على "إكس" لما قال للناس: "راقبوا اللي هيحصل يوم السبت الجاي.. يا ترى العالم هيروح فين؟ وهل في زعماء كبار هيروحوا لجوار ربهم؟".
وفي مداخلة نارية على "سكاي نيوز"، عكاشة محطش مية في بوقه، لما المذيع سأله: "إزاي بتقول إيران بتقع وهي لسه بتفاوض وقوية؟"، رد عكاشة بضحكته المعهودة: "مين قال إنها مش بتنهار؟ إيران دلوقتي في مرحلة الانهيار الفعلي.. النظام بيلفظ أنفاسه الأخيرة، والمسألة مسألة وقت مش أكتر!".
عكاشة فجر مفاجأة من الوزن الثقيل لما اتكلم عن عودة "ابن شاه إيران" للعرش من تاني. وجهة نظره إن اللي جاب "الخميني" في سنة 1979 هو هو اللي بيضرب النظام دلوقتي. ليه؟ عكاشة بيقولها بالبلدي: "النظام ده بقى إكسباير.. صلاحيته انتهت!".
وحسب كلامه، النظام الإيراني عمل المهمة اللي كانت مطلوبة منه، وفتح السكة لمــ يليــ شياته وتدخلاته في المنطقة عشان يدي مبرر للي بيحصل دلوقتي، ودلوقتي جه الوقت عشان "البديل" الجاهز ينزل الملعب.
ولما اتسأل عن سر مفاوضات أمريكا والغرب مع طهران لو هي فعلاً بتقع، عكاشة وصف الموضوع بكلمتين: "خداع استراتيجي".
بيقول إن كل اللي بيحصل ده مجرد "استهلاك وقت" عشان يرتبوا الصفوف ويلموا موضوع "اليورانيوم المخصب" اللي إيران هربته، وبعدها هيتم الانقضاض على بقايا النظام اللي ملوش لازمة خلاص في حسابات الكبار.
إحنا قدام مشهد أخير في "مسرحية قديمة"، والستارة هتنزل على نظام طهران عشان يرجع نظام الشاه من تاني.. والسؤال دلوقتي: هل نبوءة عكاشة المرة دي هتصيب؟

المقال السابق

المقال التالي

اشترك في النشرة الإخبارية