أحيانا يكون الفراق هو الطريقة الوحيدة لإنقاذ ما تبقى من القلب

اشعار وخواطر

بقلم/نشأت البسيوني

في حاجات بنتمسك بيها بكل قوتنا مش لأنها لسه بتسعدنا لكن لأننا خايفين نعترف إنها بقت بتوجعنا وفي ناس بنفضل نحبهم رغم إن وجودهم في حياتنا بقى مرهق ورغم إن كل محاولة للقرب بتاخد من روحنا أكتر مما بتديها وفي لحظة معينة بنكتشف إننا ما بقيناش بنحارب عشان الحب لكن بنحارب عشان ما نخسرش الذكريات وما نعترفش إن الحكاية اتغيرت وإن الشخص اللي كان

في يوم مصدر أمان بقى وجوده مرتبطا بالخوف والانتظار والحيرة وأصعب حاجة إنك تكون لسه بتحب وفي نفس الوقت عارف إنك لازم تبعد لأن القرب بقى يؤذيك وهنا يبدأ الصراع الحقيقي بين قلب يقول ارجع وعقل يقول كفاية وبين ذكرى جميلة تشدك إلى الخلف وحاضر مؤلم يقول لك إنك لازم تكمل طريقك ويمكن الناس من بره ما تفهمش ليه أنت بعيد عن شخص بتحبه لكن محدش

عارف عدد المرات اللي حاولت فيها تصلح وعدد المرات اللي سكت فيها قلبك عن حاجات كانت بتوجعه ولا عدد الليالي اللي نمت فيها وأنت بتسأل نفسك هو أنا ليه لسه مستني وأنا عارف إن الانتظار بيتعبني ومع الوقت يبدأ الإنسان يفهم إن الحب مش معناه إنك تفضل في نفس المكان مهما حصل وإن الوفاء مش معناه إنك تلغي نفسك وإن التمسك مش دايما دليل قوة أحيانا يكون الخوف من

النهاية هو اللي بيخلينا متمسكين بشيء انتهى من زمان لكننا مش قادرين نعترف ووقت ما تبدأ تتعافى هتكتشف إنك مش محتاج تمحو الشخص من قلبك عشان تكمل أنت فقط محتاج تحطه في المكان الصحيح مكان الذكرى لا الانتظار مكان الماضي لا الحاضر وتقدر وقتها تقول له من غير ما توصله أنا لسه أتمنى لك الخير ولسه أتمنى إن ربنا يرزقك السعادة وراحة البال ولسه أتمنى إن

أيامك تكون أجمل حتى لو ما كانش ليا مكان فيها لكن أنا كمان من حقي أعيش من غير وجع ومن حقي أضحك من غير ما يكون ضحكي مؤقتا بسبب رسالة ومن حقي أنام من غير ما أستنى اتصال ومن حقي أصحى من غير ما يكون أول شيء أفعله هو البحث عنك ويمكن أصعب شيء في التعافي إنك تكتشف إن اللهفة اللي كانت بتخليك مستني صوت الشخص ده بدأت تهدأ وإن قلبك

اللي كان بيرتجف مع كل إشعار بقى أكثر هدوءا وإنك لو ما جالكش شيء النهارده هتتألم شوية لكنك هتكمل يومك وهنا تعرف إنك ما بطلتش تحب لكنك بدأت تحب نفسك أيضا وإنك ما خنتش الحكاية لكنك خفت على قلبك من الاستمرار في شيء يستنزفه وفي النهاية مش كل شخص بنحبه لازم يكمل معانا ومش كل نهاية معناها إن الحب كان كذبة بعض الناس بيكونوا أجمل فصل في حياتنا لكن

الفصل لازم ينتهي عشان الكتاب يكمل ويمكن تفضل تحبها من بعيد وتدعي لها من قلبك وتتمنى لها العمر الطويل والسعادة وراحة البال وفي نفس الوقت تمشي أنت كمان إلى حياتك الجديدة بقلب أهدأ ونفس أرحم وتقول لنفسك أنا لم أتركها لأنني لم أحبها بل تركت المكان الذي كان يجعلني أخسر نفسي وأنا أحبها

المقال السابق

المقال التالي