????الرسائل بتخلص .والدروس بتتفهم

مقالات

# ارسل لي رسالة مختصرة بدون تفاصيل
يقول فيها :"" ليس كل من يسير معك سيبقي للنهاية .انا في حالة حزن ..هل أسامح ؟؟؟
# صديقي العزيز : الكلام ده وجع وحكمة في نفس الوقت وأنت لم تفصح عن التفاصيل ..ولكن ..لا بد أن تعلم ..إن الحياة
" غربال "الناس بتيجي تعلمك درس ..وتمشي ..والأصليين بس هما اللي بيكملوا معاك للآخر حتي لو الدنيا كلها ضدك
# ما تزعلش علي اللي مشي ..أزعل علي وقتك اللي ضاع ..وأنت بتتمسك بحد مش شاريك !!!فبعض الأشخاص كالمحطات ..رافقونا جزا من الطريق ورحلوا
وفي النصف الآخر من الدرب تعرف من يحبك بصدق ..
# ومن زاوية الكرامة : اللي باعك مرة هيبيعك ألف مرة ..كرامتك أغلي من اي رفقة
غير صادقة ..اللي عايزك هيفضل واللي مش عايزك ..سوف يبتعد ..
= والمطمئن في هذه الحالة : هو أن ربنا ما بيخادش حد من حياتك إلا عشان يفضي مكان للأهم والأصدق والأمين ...
""" الرسائل بتخلص والدروس بتتفهم """
= إن الوحدة مع الكرامة أهون مليون مرة من الزحمة مع الإهانة ..
# صديقي العزيز : أنت أكيد مريت بموقف خلاك تكتب الكلام ده !؟= ربنا يعوضك باللي يستاهلك .. وهناك قاعدة رأيتها في حياتي تقول : إن الحياة لا تغير أحدا بل تظهر الناس علي حقيقتهم ..فمنهم من يزداد جمالا
وأمانا وصدقا وحكمة ..ومنهم من ينكشف
زيفه وصدقه ...واقول لك ولي ومن يقرأ :
# إن قوة الإيمان لا تظهر عندما يعاملك الناس بالحسني ..وإنما تظهر عندما يسيئون إليك ويبتعدوا ..ومن كانت علاقته بالله قوية ..لم ولن ..يسمح لأحد أن يسرق منه حسناته بسبب الغضب ..إن أذي الناس مؤقت ..قد يكون الشخص الذي آذاك سببا في دخولك الجنة ونعيمها ..إذا صبرت واحتسبت وعفوت ..وكلما إزداد تعلقك بالله
إزداد تسامحك مع خلقه ..لإنك لا تطلب منهم الجزاء ..وإنما تطلبه من رب الأرض والسماء ...== اللهم إجعلنا من أهل العفو والصفح وأجعل لقائك أحب إلينا من الدنيا وما فيها وأختم لنا بالحسني إنك أنت الغفور الرحيم ..اللهم آمين يارب العالمين ..
؛؛ اللهم صل وسلم وبارك علي سيدنا محمد وعلي آله وصحبه أجمعين ؛؛
== يحيي سالم دخيل الله ==

المقال السابق

المقال التالي

اشترك في النشرة الإخبارية