حكاية بين القلب والعقل
بقلم الكاتب الصحفي وشاعر البسطاء سعيد سعيد أمام
وبعدين معاك يا زمن
كل ما أقول نسيت
ترجع تفتح جرح قديم
وتفكرني بحاجات ماتت
كل ما أضحك ضحكة من قلبي
تجيبلي ذكرى من اللي فاتت
كأنك كاتب عليا
أعيش وسط ألف حكاية بايتة
الظلم لسه ماشي في سكته
والغدر لسه لابس وشوش
واللي حلف يوم ما يبيع
باع من غير ما يرف له جفن ولا رمش
واللي قال أنا السند والضهر
أول ما هبت ريح الشدة اختفى
واللي قسم بالله ما يجرح
كان أول سكين في القفا
قعدت أسأل نفسي كتير
هو العيب في الناس ولا فيا
ولا كنت بدي أكتر من اللازم
لحد ما ضاعت باقي الحكاية
وفي ليلة من ليالي الوجع
والدنيا ساكتة حواليّا
لقيت معركة شغالة جوايا
بين العقل وبين القلب جوايا
القلب قال
لسه الخير موجود
ولسه الحب موجود
ولسه فيه ناس تستاهل
يتذكر اسمها في السجود
لسه فيه حضن يداوي
وجبر خاطر للمكسور
ولسه فيه قلوب نضيفة
زي الفجر قبل ما النور يدور
قال الحب مش ذنب الحب
ذنب اللي خانوا معانيه
ولا كل وردة فيها شوك
يبقى نكره البساتين اللي فيه
العقل قال
اصبر يا قلب وبلاش تندفع
كم مرة وقعت وما اتعلمتش
كم مرة صدقت الوهم
وبرضه للحقيقة ما استسلمتش
اللي راح راح
واللي باع باع
واللي خان كشف معدنه
والعاقل يتعلم من جرحه
وما يكررش نفس المحنة
القلب قال
بس الإنسان من غير مشاعر
يبقى عايش نص حياة
والحب رزق من عند ربنا
مش لعبة ولا هواة
العقل قال
وأنا ما قلتش اقفل بابك
أنا بقول افتحه بحساب
خلي الكرامة فوق المشاعر
وخلي الثقة ليها باب
فضلوا يتكلموا لساعات
والليل شاهد ع الكلام
لحد ما طلع نور الصبح
وبان قدامي السلام
لقيت العقل بيبص للقلب
والقلب بيبص للعقل
واتفقوا إن الحياة
لا تمشي بالقسوة ولا بالعشم السهل
القلب يدينا نبض وأمل
والعقل يحمينا من الانكسار
واحد يفتح باب الحلم
والتاني ينور وسط المشوار
وقتها رفعت راسي للسما
وقلت يا رب أنت الأعلم
إن كان في العمر باقي فرحة
اجعلها جبر لكل متألم
وإن كان لسه في درب طويل
قويني أمشيه للآخر
وأرزقني راحة بال
تنسيني وجع الغادر
أصل الزمن مهما قسى
أكيد له يوم ويمشي
والظالم مهما طال زمانه
أكيد في يوم يتحاسب ويتفضح ويختفي
ويبقى الأثر للناس الأصيلة
ويبقى الخير عنوان
ويبقى اللي صبر واستحمل
هو أكتر واحد كسب الرهان
كلمات وتأليف شاعرالبسطاء سعيدسعيدامام
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
فن
عرب
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة