مقالات

لما تهدأ من جوه بقلم/ناني عادل " جريده الأضواء المصريه "

• بواسطة المغيرة بكرى
• 2026 May 08
• 68

لما تهدأ من جوه

بقلم/ناني عادل 

في وقت معين الانسان بيحس ان كل حاجة حواليه ما زالت موجودة زي ما هي لكن اللي اتغير فعلا هو هو نفسه الضجيج اللي كان جواه بدأ يخف والصراع اللي كان ما بين قلبه وعقله بدأ يهدى والأسئلة اللي كانت بتطارد يومه بقت أقل حدة
الهدوء الداخلي مش بييجي فجأة هو نتيجة حاجات كتير اتكسرت وحاجات كتير اتقالت وحاجات كتير اتسابت في طريقها من غير ما ترجع هو حصيلة تعب طويل لحد ما الانسان يفهم انه ما يقدرش يغير كل حاجة لكنه يقدر يختار رد فعله
ولما تهدأ من جوه تبدأ تشوف الحياة بشكل مختلف تشوف الناس من غير مبالغة في تقديرهم ولا تقليل منهم وتشوف المواقف من غير ما تكبرها وتشوف نفسك من غير جلد ذات ولا غرور
وتفهم ان اللي كان بيهزك زمان ما بقاش يأثر فيك بنفس القوة وان اللي كنت بتخاف تخسره ما بقاش له نفس القيمة وانك بقيت بتعرف تقول لا من غير ما تحس بالذنب وتعرف تمشي من غير ما تلتفت كتير
وتكتشف ان السلام مش معناه ان كل حاجة اتحلت لكن معناه انك بقيت قادر تعيش وسط المشاكل من غير ما تضيع نفسك فيها وانك بقيت تفرق بين اللي يستاهل مجهودك واللي ما يستاهلوش
 تدرك ان اهم مرحلة في حياتك مش لما تكسب ولا لما تخسر لكن لما تهدأ من جوه وتفهم نفسك وتبطل تحارب كل حاجة وتبدأ تختار اللي يحافظ على روحك مش اللي يرهقها
ولما توصل للهدوء ده تعرف انك ما عدتش نفس الشخص اللي كان بيتكسر بسهولة
وانك بقيت اعرف بنفسك
واصدق مع نفسك
واكثر اتزان من اي وقت فات

• الوسوم
• لما
• تهدأ
• من
• جوه
• بقلم/ناني
• عادل
• "
• جريده
• الأضواء
• المصريه
• "
• لما تهدأ من جوه بقلم/ناني عادل " جريده الأضواء المصريه "