السياسة بـ (السمّ المُر) ليه بنشوف النور قبة مع الفل مرشال؟

مقالات

الإعلامي احمد ادم اسماعيل

#قلت_اكتب_كلام_بسيط،
يا شباب، الوجع واحد ما بتتقسم انا كمان زيكم والله و الكل متابع التحركات الأخيرة من موسى هلال لحدي وصول النور قبة واللقاءات اللي تمت. طبيعي جداً كشاب سوداني، وكـواحد من أهل الفاشر أو المناطق المتضررة، تحس باستفزاز وغضب كيف قاتل ومشرد يقعد مع قادتنا؟

عشان نوزن الأمور بالعقل لازم نفهم فقه الضرورة في الحروب اول حاجة تفكيك العدو من الداخل في العلوم العسكرية، إنك تكسب قائد ميداني مؤثر من صفوف العدو، ده بيوفر عليك آلاف الطلقات ومئات الأرواح من جنودك. انسلاخ النور قبة أو غيره هو إضعاف مباشر لقوة الجنجويد وده نصر عسكري بـ أقل التكاليف ما نصر مشاعر الشعب و ظروفنا نحن الشباب النضال ديل

لغة السياسة لا تشبه لغة القلوب القائد المسؤول (زي مناوي أو قيادة الجيش) ما بيتعامل بمنطق الثأر الشخصي اللحظي. هو مسؤول عن تأمين ولاية او او لإيقاف نزيف الدم أحياناً احتواء المنشق هو وسيلة لضرب مشروع أكبر وتأمين جبهات كانت حتكون ثغرة للموت

موضوع حضن الوطن ليس صك غفران لازم نفرق بين (الاستقبال السياسي) وبين (المحاسبة القانونية) في فرق بين إنك ترحب بطلقة سكتت عن صدر أهلك، وبين إنك تعفي عن الجرائم. التاريخ بيقول إن الاتفاقات العسكرية هي تكتيك للميدان، لكن حقوق الضحايا وجرائم الحرب دي ملفات ما بتموت بالتقادم ولا بتمسحها المصافحات

لأن المصلحة العامة فوق الاندفاع القادة بيتحركوا وفق معلومات استخباراتية وتنسيق كامل مع أجهزة الدولة. وصول أي شخص لمناطق سيطرة القوات المسلحة ما بيتم صدفة، بل هو عملية مدروسة لتقليل أمد الحرب

#رسالتي_للشباب_الثائر
حقكم في الغضب مشروع، ولا أحد يطلب منكم نسيان ما حدث في الفاشر أو غيرها. لكن في زمن الحرب، العقل لازم يسبق العاطفة. القيادة بتحاول تفكفك منظومة العدو حتة حتة، وده بيتطلب أحياناً الجلوس مع أشخاص بيننا وبينهم بحر من الدم لأجل إنقاذ من تبقى

#رؤية
ما عجبني الحاصل ده، و بخليك تقرر تاني ما تشاكل أجل شيء او او بس ما نفيق خلونا نستمر كتبت مقال، لانو شايف في شباب كتار قفلت نفسياتهم، بجد بس ان شاءلله ننتصر

#احمد_ادم_اسماعيل
وزير الرؤية القادمة

المقال السابق

المقال التالي