لما تحس انك محتاج تبدأ من جديد

مقالات

بقلم/نشأت البسيوني

في لحظة معينة الانسان يحس انه مش قادر يكمل بالطريقة اللي ماشي بيها يحس ان الطريق اللي قدامه مش شبهو وان الخطوات اللي بياخدها مش بتوديه للمكان اللي قلبه عايزه يحس انه متراكم من جواه مليان حاجات ما اتحلتش ومواقف ما اتفهمتش ووجع كان ساكت عليه علشان يكمل وفي الضغطة دي يطلع صوت داخلي يقول كفاية ابدأ من جديد مش لازم بداية كبيرة ولا خطوة ضخمة

البداية ساعات بتكون قرار صغير زي انك تبطل تجامل او توقف علاقة بتستنزفك او تقفل باب كان ضاغط عليك او حتى تقعد مع نفسك ساعة من غير ما تهرب منها ولما تبدأ من جديد تحس براحة غريبة راحة انك ما عدتش بتمشي في طريق مش بتاعك وانك بقيت اشجع من قبل وانك اخيرا سمعت صوتك مش صوت الناس
ولا صوت العادة ولا صوت الخوف وتكتشف ان البداية الجديدة

مش معناها انك فشلت العكس هي معناها انك نضجت وانك فهمت
وانك مستعد تعيش حياة تشبهك مش حياة كنت مجبور عليها
وتبدأ ترتيبك تنضف قلبك من ناس ما كانتش قدك وتنضف عقلك من ذكريات بتسحبك لورا وتنضف حياتك من اي حمل زايد وتبتدي صفحة بيضا انت اللي تكتبها على مزاجك وبخطك وبوعي جديد
وفي كل خطوة تحس انك بيرجعلك جزء كان ضايع وتحس انك

بتتنفس باريحية وتحس انك اقوى من زمان لان اصعب حاجة في الحياة مش البداية لكن قرار البداية ولما تاخده تعرف ان كل اللي جاي هيمشي معاك مش ضدك وانك اخيرا ماشي على الطريق
اللي كان مستنيك من زمان

المقال السابق

المقال التالي

اشترك في النشرة الإخبارية