ميزان الأصول في كفة العقول

مقالات

يا صاحبي الدنيا دي مدرسة والوعي فيها دليل

واللي يعيشها بفهلوة يرجع ودمعه يسيل

متبصش للي في ايدينا وانت حملك قليل

الرزق عند اللي خلق مش عند قال وقيل

بلاش تدوس على الغلابة وتعمل فيها تقيل

بكرة التراب يلمنا مفيش هناك تمثيل

صفي النية في معاملتك تلاقي ربك كفيل

واللي مشي بطوع عقله عمره ما يوم يميل

صون الأمانة يا ابني ده الحمل والله ثقيل

واللي خان العهد بكرة يشوف الويل

كلمة الحق نور والكدب عمره ماكان طويل

بس الحقيقة في الآخر بتشفي كل عليل

ازرع في أرضك شرف واحصد جميل وجميل

عشان سيرتك تفوح حتى لو جسمك هزيل

يا ماشي في سكة الوعي خليك فارس أصيل

الدنيا تروح وتيجي ويفضل ابن الأصول نبيل

كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة

المقال السابق

المقال التالي

اشترك في النشرة الإخبارية