اشعار وخواطر

لما تبطل تبرر

• بواسطة يحي الداخلى
• 2026 Apr 29
• 58

بقلم/نشأت البسيوني 

في وقت معين الإنسان بيبطل يشرح وببطل يدافع وببطل يدور على أعذار للي حواليه يبقى فاهم إن اللي عايز يفهم هيفهم من أول حاجه واللي مش عايز مهما شرحت له مش هيشوف غير اللي هو عايزه الإنسان طول عمره بيتربى إنه يبرر تصرفاته ويشرح مواقفه ويحاول يثبت إنه عند حسن الظن بس مع الوقت يكتشف إن التبرير بيستهلك روحه وإن الدفاع المستمر بيقلل من قيمته وإن 

الناس اللي فعلا بتحبه مش محتاجين منه كل ده وفي لحظه صدق مع النفس يفهم إن التبرير مش احترام لغيره قد ما هو عدم احترام لنفسه لأنه يسمح لغيره يشك فيه ويسمح لحد يسحب منه راحته ويسمح لنفسه يعيش تحت تقييم محدش أصلا أهميته تستحق التعب ده ولما يبطل يبرر يبدأ يشوف الدنيا بشكل مختلف يشوف الناس اللي كانت بتدور على غلطه تمسكها والناس اللي كانت 

بتستغل طيبة قلبه والناس اللي كانت عايزه من وراه مصلحه مش شخص والأجمل إنه يلاقي هدوء غريب هدوء ما كانش يعرفه وهو بيشرح كل حاجه هدوء يعرفه لما يقول ببساطه دي حقيقتي اللي عجبه يتفضل واللي مش عاجبه الباب أوسع وفي الآخر يفهم إن التبرير عمره ما حفظ علاقة ولا صلح موقف اللي بيحفظ العلاقات هو الوضوح والصدق واللي بيصلح المواقف هو النيه مش الكلام

ولما يبطل تبرير يبدأ أول خطوة في احترام نفسه ويفهم قيمته
ويعرف إن اللي يستحقه مش محتاج أدلة ولا شروح ولا دفاع

• الوسوم
• لما
• تبطل
• تبرر
• لما تبطل تبرر