مقالات

ثمن الصمت

• بواسطة يحي الداخلى
• 2026 Apr 23
• 39

بقلم/نشأت البسيوني 

في مواقف كتير تفضل ساكت رغم إن جواك كلام يكفي يهز الدنيا وتختار الصمت مش لأنك ضعيف لكن لأنك تعبت من تبرير نفسك تعبت من شرح اللي ما يتشرحش وتعبت من إنك توضح لناس مش ناوية تفهم من الأساس وتبدأ تلاحظ إن الصمت بقى سلاح وراحة في نفس الوقت سلاح لأنك ما بقتش تسمح لحد يدخل جواك بسهولة وراحة لأنك ما عدتش محتاج تشرح مشاعرك لكل اللي 

حواليك وكأنك أخيراً حميت المساحة اللي جواك وتسأل نفسك هو الصمت حل ولا هروب هل أنت فعلاً بتختار تكون هادي ولا أنت خايف تتصادم مع الحقيقة ويمكن تكتشف إن الصمت ساعات بيكون شجاعة أكتر من الكلام لأنك بتواجه نفسك مش حد تاني وبتسمع اللي جواك بوضوح ومع الوقت تفهم إن الصمت مش خسارة لكنه اختيار وإنك ما تبقاش موجود في كل معركة وما 

تردش على كل كلمة وما تشرحش كل موقف ده مش نقص فيك ده احترام لنفسك ولطاقة قلبك ولوقتك اللي أثمن من إنك تضيعه على جدل مالوش نتيجة وتلاقي نفسك بتتعود إنك تحفظ قوتك لنفسك وتتكلم بس لما تبقى مستعد ولما يكون للكلام قيمة ولما يكون اللي قدامك فعلاً يستحق يسمع لأن مش كل الناس مستعدة تفهم ولا كل الناس نيتهم صافية ولا كل الناس يهمهم شعورك تدرك إن ثمن 

الصمت أقل بكتير من ثمن الكلام في المكان الغلط وإنك أول ما تتعلم إمتى تحكي وإمتى تسكت هتعرف تحمي نفسك من خيبة كتير وهتعرف إن قوتك مش في صوتك العالي لكن في وعيك بما يجب أن يقال وما يجب أن يترك ساكناً

• الوسوم
• ثمن
• الصمت
• ثمن الصمت