فن

منـة الله الجواهرجي ابنة الفنانة الراحلة #شويكار لبرنامج الستـات ????  أنا أمي اتجـوزت

• بواسطة يحي الداخلى
• 2025 Sep 24
• 60

منـة الله الجواهرجي ابنة الفنانة الراحلة #شويكار لبرنامج الستـات ????  أنا أمي اتجـوزت

كتب يحي الداخلى الفنان#فؤاد_المهندس على خشبة المسرح، في المشهد الأخير من الفصل الأول في مسرحية "أنا وهو وهي". بابا فؤاد قال لماما: "تتجـوزيني؟" قالت له: "أيوه"، واتجـوزوا وقتها.
علاقة الحـب بينهم فضلت لآخر لحظة في حياته، اتطـلقوا بس ما انفصلوش فعلاً، كانوا بيتكلموا كل يوم في التليفون، ولو كان عايز أكلة يطلبها وماما تعملها وتبعتها له. قبل ما يتوفى بيوم، عملت له حمام محشي زى ما طلب، ويوم وفاته راحت قعدت معاه ساعة ونص، ورفضت تقول قالت له إيه.
جوازهم استمر 25 سنة، وكانت بتعامله بطريقة خاصة، ولما كان يتنرفز كانت تسكت، وكانوا بيفهموا بعض من النظرة، والكيميا بينهم كانت كبيرة.
اللي عرفته من عمو فؤاد عن سبب الانفصال إن في ناس وحـشين عملوا وقيعة بينهم، وللأسف الاتنين صدقوا وقرروا ينفصلوا.
أمي ما خلـفتش من فؤاد، وقالت له: "لأ، مش هخلف منك"، وشرحت له إنها خايفة لو جابت منه طفل تحبه أكتر من بنتها أو من أولاده، وهي مش مستعدة تحب حد أكتر مني، وإن ولاده في عينها، وإحنا نعتبر إخوات ونحاول نعيش كده. في الأول زعل، لكن بعدين فهم وجهة نظرها، ولما شاف إننا بنحبه وبنكبر سوا والعلاقة قوية، تخطى الموضوع.
أنا كنت بشوفه بابا، وحسسنا إننا عيلة واحدة. عمري ما حسيت إنه خد مني ماما، وهي لما كانت فاضية كانت تقعد معايا، تذاكر لي، تيجي معايا أنا وعمو فؤاد حفلات المدرسة، ويوصلونا الامتحانات ويستنونا.
أمي أوصتني قبل وفاتها إنها مش عايزة عزاء، وقالت لي: "لو في الصيف الناس بتصيف ما تعمليش عزاء، ولو في الشتاء الدنيا هتبقى برد عليهم، اللي يحب يعزيني يبقى في الجنازة بس".
في آخر أيامها، كانت كويسة بس تعبانة من بطنها. وقتها كان فيه كـورونا، والدكاترة شخصوا الحالة على إنها كـورونا، وهي ما كانتش كـورونا. فضلت لآخر وقت زي ما هي: حنية، طيبة، ضحك، وبتطبخ حلو.
آخر حاجة قالتها لي قبل ما تمشي: "اعتني بنفسك وبأولادك وزوجك وحياتك، ومتزعليش من حد أبداً إلا لما تعرفي ظروفه"، لأنها ما كانتش بتحب حد يزعل.

• الوسوم
• منـة
• الله
• الجواهرجي
• ابنة
• الفنانة
• الراحلة
• #شويكار
• لبرنامج
• الستـات
• ???? 
• أنا
• أمي
• اتجـوزت
• منـة الله الجواهرجي ابنة الفنانة الراحلة #شويكار لبرنامج الستـات ????  أنا أمي اتجـوزت